Sagantaan raadiyoo yeroo jalqabaatiif Afaan Oromootiin
tamsa’aa ture hiika Qur’aanaa Muhammad Rashaad
Abdallaati. Bara warri Amaaraafi warri isaan hordofu
Afaan Oromoo Raadiyoo cabsee ba’a jedhan keessa
Muslimoonni Harar Moqaadishoo keessatti Raadiyoo
Afaan Oromoo tamsaasu bananii tamsaasaa turan.
Namni gocha kana irratti gahee guddaa qabu
Muhammad Rashaad Abdullee ture. Namni kun guddina
Afaan Oromootiif kallattii hundaan gumaachuu wajjin
hojiin inni qubee Afaan Oromoo hojiirra oolchuufi
tamsaasa Raadiyoo banuu keessatti hojjate waan
ummanni Oromoo yoomuu dagatuu miti. Sana malees
akka inni miidiyaa hundarra ooluuf kaasettaan waraabee
addunyaaf raabseera. Namni Sheekh Yaasiin jedhamanis
hiika Qur’aana Afaan Oromootiin bara Hayle Sillaasee
duraa kaasanii barsiisnaan waraabamee kaasettaan
ummata bira ga’eera. Kaasetticha anis dhaggeeffadheera.
Walumaa galatti biyya keenya keessatti akkuma
amantiin Kiristaanaafi Amaariffi adda hin baane Afaan
Oromoofi Islaamni adda bahuu gonkumaa hin danda’u.
Akka natti mullatutti osoo mootummaa Amaaraa dura
Muslimoonni dhaabachuu baatanii Afaan Oromoo biyya
kanaa rakkoo guddaaf saaxilama ture. Bakki amantiin
Ortodoksii dhaqqabe hundi yeroo gabaabaa keessatti
Amaaratti jijjiiramaa ture. Kanaaf ragaa fiduu hin
barbaachisu. Namoonni gariin amantiin Islaamaa Oromummaa fi Islaamummaa
202
Oromiffa balleessee Arabiffa bakka buusuuf socho’a
yaada jedhu facaasuu yaalu. Namni akka hundeetti
yaada kanaan deemu Leencoo Lataati. Inni kitaaba isaa
irratti Islaamni Araba ummata gochuuf socho’a waan
jedhu jabeessee dubbatee “akkuma biyya Misraafi
Suudaanii Araba godhan keenyas Araba nu godhanii
turan” jedhe. Yaanni kun gonkumaa sirrii miti. Kun
dhiphina amantii qabu irraa ka’ee seenaa jallisuufi
inumaa ummata Oromoo ganuudha. Addunyaa kana
irratti amantii Islaamaa 80% ol kan qabee jiru Arabaa
miti. Biyyi akka Indooneeziyaa, Paakistaan,
Afgaanistaan, Iraaniifi kkf baay’een afaan ofii isaanii
dubbatu. Turkiin kan waggaa dhibba baay’ee biyyootii
Muslimaa hunda to’attee amantii Muslimaa babal’isaa
turte Afaan Turkii malee Arabiffa jecha tokko hin beekan.
Namoota Turkii garii qunnamee Ingiliffas ta’ee Arabiffa
ittiin dubbachuu jennaan homaa wallaalan. Islaamni
gonkumaa dhiphina Sabummaa hin qabu. Osoo ta’ee kan
Ummata Israa’ilii qofa jedhu amantii Kiristaanaa ture.
Waan guyyaa tokko na mudate keessaa Oromoo amantii
Pirootestaantii hordofu tokko argee osoo waliin
dubbannuu “nuti warri Yesuusiin fudhanne hunduu
Israa’iiliidha” naan jedhe. Kun yaada isaaniiti malee
namni tokko amantii fedhe yoo hordofes eenyummaa
saba isaa lakkisuu hin danda’u. Ani yoomuu Oromoodha
akkasumas Muslima. Waan wal faallessu osoo hin taane waan wal deeggaruudha. Kanaafuu Oromoo ta’uu
kiyyatti nan boona; Muslima ta’uu kiyyaanis nan boona.
